ՌԴ ԱԳՆ-ն ակնկալում է՝ ԱՄՆ-ը վիզաներ կտրամադրի Լավրովին և ռուսական պատվիրակությանը
Մոսկվան հուսով է, որ ԱՄՆ-ը սկանդալի չի դիմի և ՌԴ ԱԳ նախարար Սերգեյ Լավրովին ու պատվիրակությանն այցագրեր կտրամադրի ՄԱԿ-ի Գլխավոր ասամբլեայի բարձր մակարդակի շաբաթ այցելելու համար: Այդ մասին, ըստ «Ռիա Նովոստիի»՝ հայտարարել է ՌԴ ԱԳ փոխնախարար Սերգեյ Ռյաբկովը:
Նա նշել է, որ ՄԱԿ-ի քարտուղարությունն այս պահին կարող է «ավելին անել» խնդրի լուծման համար, սակայն «առայժմ մենք մեծ ակտիվություն չենք տեսնում և կշարունակենք աշխատել»։
«Մենք հուսով ենք, որ դրա շուրջ նոր սկանդալ չի լինի, և ամերիկացիները խելամտորեն կմոտենան այս իրավիճակին»,- ասել է Ռյաբկովը։
