Ինչն է հուզում Ձեր զուգընկերոջը անկողնում. 4 անսպասելի փաստ

Մեր մոլորակի վրա միլիոնավոր տարիների համատեղ կյանքը չի փրկել հակառակ սեռերի ներկայացուցիչներին փոխադարձ գաղտնիքներից։ Ի՞նչ կա նրա գլխում, ինչպե՞ս է նա վերաբերվում ինձ, արդյո՞ք պլաններ է կազմում ապագայի համար, ի՞նչն է նրան իրականում դուր գալիս, ինչպիսի՞ն է նրա կարծիքը իմ մասին, և ամենակարևորը, ի՞նչ է նա մտածում և ինչի՞ն է ուշադրություն դարձնում, երբ սիրով ենք զբաղվում: Հարցեր, որոնք հուզում են բոլոր կանանց:

Գերմանացի հոգեբանները հետազոտությունների արդյունքում առանձնացրել են չորս հիմնական հետաքրքրություններ, որոնց վրա տղամարդիկ կենտրոնանում են սիրով զբաղվելիս:

1. Ձեր դեմքը

Գիտնականների հարցումները պարզել են, որ սիրով զբաղվելու ընթացքում տղամարդկանց 70%-ը զուգընկերուհու աչքերին է նայում, քանի որ սիրում է տեսնել, թե ինչպես է նրա դեմքի արտահայտությունն արտացոլում ցանկությունը, հաճույքը: Հակառակ ձեր անձնական ենթադրությունների՝ նրան չի հետաքրքրում ցելյուլիտը, կրծքի չափը:

2. Ձեր հաճույքը

Սեքսի ժամանակ տղամարդկանց համար կարևոր է փոխադարձ կիրք զգալ: Համբույրները, շոյանքները, շշուկները, հառաչանքները հաղորդում են նրա հետ լինելու անկեղծ ցանկությունը, և փոխադարձ հաճույքը դառնում է գործընթացի բնական գագաթնակետը:

3. Ձեր բույրը

Սեռական ակտի ժամանակ զգայարանները սրվում են, իսկ մարմնի բույրը նրա համար դառնում է իսկական գայթակղություն։ Կնոջ բույրը Ալ Պաչինոյի մասնակցությամբ ֆիլմի վերնագիր չէ. կիրքը իսկապես կարելի է հոտոտել: Ճիշտ ընտրված օծանելիքն էլ ավելի է շոյում նրա հոտառությունը՝ ընդմիշտ տպելով Ձեր գլխապտույտ բույրը նրա ենթագիտակցության մեջ։

4. Ձեր մաշկը

Գերմանացի հետազոտողների բացահայտումները հաստատում են տղամարդկանց գայթակղությունը փափուկ մաշկի նկատմամբ: Նրանք ցանկանում են զգալ Ձեր մաշկը ձեռքերով, շուրթերով, լեզվով, ամբողջ մարմնով: Նրա խանդավառությունը Ձեր նուրբ մաշկի հանդեպ ինքնին հաճելի է, օգնում է բացահայտել հետաքրքիր էրոգեն գոտիները և ընդհանուր առմամբ արդյունավետորեն երկարացնում է գործընթացը:

Պատրաստեց Անի Գաբուզյանը

Նյութի և լուսանկարների աղբյուրը՝ Elle.ru