iPhone-ը՝ վեբ-տեսախցիկի փոխարեն․ Apple-ը ներկայացրել է նոր գործառույթ

WWDC 2022-ին Apple-ը ներկայացրեց Continuity Camera ֆունկցիան, որը թույլ է տալիս օգտագործել iPhone-ը Mac-ում վեբ-տեսախցիկի փոխարեն: Ընկերությունն ընդգծել է, որ ռեժիմը բացում է նոր հնարավորություններ, որոնք նախկինում հասանելի չէին վեբ-տեսախցիկների համար։

IPhone-ում ձեզ հարկավոր չէ առանձին ակտիվացնել գործառույթը և միացնել այն Mac-ին: Եթե ​​սմարթֆոնը բավականաչափ մոտեցնեք նոութբուքին, սարքերը ավտոմատ կերպով կմիանան, և iPhone-ը կարող է ընտրվել արտաքին վեբ-տեսախցիկների ցանկից։ Այն նաև միացնում է ձեր iPhone-ը ձեր Mac-ին անլար՝ տալով ձեզ ավելի ճկունություն և ազատելով ձեր աշխատանքային տարածքն ավելորդ լարերից:

Continuity Camera ռեժիմով ձեր Mac-ը կարող է օգտվել iPhone-ի տեսախցիկի բոլոր հնարավորություններից, ներառյալ՝ դիմանկարի ռեժիմը և ստուդիայի մոդելավորված լուսավորությունը: Apple-ը ներկայացրել է նաև Desk View ռեժիմը, որն օգտագործում է սմարթֆոնի գերլայնանկյուն տեսախցիկը։ Այս ռեժիմում օգտատերը կարող է միաժամանակ ցույց տալ դեմքը և իր առջև գտնվող աշխատասեղանը, ինչը, Apple-ի կարծիքով՝ կարող է օգտակար լինել FaceTime տեսազանգերում նախագծեր ցուցադրելու համար։

Կուպերտինոն ներկայացրել է նաև iPhone-ի հատուկ տակդիր, որը կարելի է ամրացնել MacBook-ի կափարիչին։ Նրանք ցուցադրել են՝ ինչպես օրիգինալ ստենդը, այնպես էլ Բելկինի հետ համատեղ ստեղծված աքսեսուարը։ Պաստառների գները չեն նշվում, սակայն նրանք խոստացել են դրանք թողարկել մինչև 2022 թվականի վերջ։

2022 թվականի հունիսի 6-ի երեկոյան մեկնարկել է WWDC ամենամյա համաժողովը, որը կտևի մինչև հունիսի 10-ը։ Միջոցառման առաջին օրն Apple-ին հաջողվել է հայտարարել macOS 13 Ventura-ը, iOS 16-ը, watchOS 9-ը և ցուցադրել MacBook Air-ը՝ M2 պրոցեսորով։

Սիրարփի Աղաբաբյան