Աֆղանստանի կին հեռուստահաղորդավարները պետք է ծածկեն դեմքերը թալիբների իշխանության գալուց հետո
Աֆղանստանի տեղական հեռուստաընկերությունների կին հաղորդավարուհիները կիրակի օրը, մայիսի 22-ին, իրենց վրդովմունքն արտահայտեցին թալիբների նոր որոշման առնչությամբ, որով եթեր հեռարձակվելիս նրանք պետք է ծածկեն իրենց դեմքերը:
«Հաղորդավարը պետք է իրեն լիովին հանգիստ և անկաշկանդ զգա, որպեսզի ճշմարտությունը հասցնի ժողովրդին, բայց այսօր առաջին անգամ ես ստիպված էի հաղորդումը դիմակով ներկայացնել և ինձ ընդհանրապես լավ չէի զգում»,- ասում է «TOLO» հեռուստաընկերության հաղորդավարուհի Սոնյա Նիազին։
Վճիռը հայտարարվել է հինգշաբթի օրը, մայիսի 19-ին, մի քանի օր անց այն բանից հետո, երբ իշխանությունները հրամայեցին կանանց փակել իրենց դեմքերը հանրության առաջ, ինչը վերադարձ է իրենց նախկին սահմանափակումներին և զայրույթ է առաջացրել տանը և արտերկրում:
Թալիբանի փոխգործակցության և առաքինության նախարարության խոսնակ Ակիֆ Մուաջերը այդ քայլը որակում է որպես «խորհուրդ»: Նա «Reuters»-ին ասել է, որ «հեռուստահաղորդավարների դեմքը ծածկելու վերջին ժամկետը մայիսի 21-ն է»:
Մուաջերը չի պատասխանել խորհրդին չհետևելու հետևանքների վերաբերյալ լրագրողների հարցերին:
Աֆղանստանի կանանց մեծ մասը կրոնական նկատառումներով գլխաշոր է կրում, սակայն քաղաքային շրջաններում, ինչպիսին Քաբուլն է, շատերը չեն ծածկում իրենց դեմքերը: 1996-ից 2001 թվականներին, Թալիբանի վերջին կառավարման տարիներին, կանանց համար պարտադիր էր կրել համապարփակ կապույտ բուրկա:
Մուաջերն ասաց, որ կին հաղորդավարները կարող են դեմքի դիմակներ կրել, որոնք լայնորեն օգտագործվում են ՔՈՎԻԴ-19 համաճարակի ժամանակ:
Աֆղանստանում կանանց իրավունքները առաջընթաց գրանցեցին 2001 թվականին, երբ ԱՄՆ-ի գլխավորած ներխուժումը տապալեց Թալիբանի կառավարությունը և կանայք աշխատանքի և պատշաճ կրթության իրավունք ստացան:
Թալիբանն հայտնել էր, որ փոխվել է իր հայացքները վերջին իշխանությունից հետո, սակայն վերջին ամիսներին ավելացրել են այնպիսի կանոնակարգեր, որոնք նույնիսկ սահմանափակում են կանանց շարժումը դրսում առանց տղամարդ ուղեկցորդի: Մեծահասակ աղջիկներին նույնպես դեռ չի թույլատրվում վերադառնալ դպրոցներ և քոլեջներ:
