Հնդկաստանը 2 միլիարդ դոլար կվճարի ռուսական միջուկային սուզանավի վարձակալության համար
Հնդկաստանը Ռուսաստանից միջուկային սուզանավ վարձակալելու համար կվճարի մոտ 2 միլիարդ դոլար, հաղորդում է Bloomberg-ը՝ հղում անելով աղբյուրներին։
Ռուսական սուզանավի վարձակալության վերաբերյալ բանակցությունները տևել են մոտ 10 տարի։ Վերջին տարիներին դրանք կանգ են առել գնային խնդիրների պատճառով, հայտնել են գործակալության աղբյուրները։
«Կողմերն արդեն համաձայնության են եկել գործարքի շուրջ. հնդիկ պաշտոնյաները նոյեմբերին այցելել են ռուսական նավաշինարան։ Հնդկաստանը նախատեսում է նավը ստանալ երկու տարվա ընթացքում, չնայած, ըստ նրանց, նախագծի բարդությունը կարող է հանգեցնել ավելի ուշ ժամկետի»,- նշվում է հաղորդագրության մեջ։
Հինգշաբթի օրը՝ Ուկրաինայում հակամարտության սկսվելուց ի վեր առաջին անգամ Ռուսաստանի նախագահ Վլադիմիր Պուտինը այցելեց Հնդկաստան։
