Տափերականի 13/15 ընտրատեղամասում 1381 ընտրողից քվեարկությանը մասնակցել է 826 ընտրող
Տափերականի 13/15 ընտրատեղամասը փակվեց 20:00-ին։ 168․am-ի հետ զրույցում ընտրատեղամասային հանձնաժողովի նախագահ Արայիկ Զաքարյանը հայտնեց, որ 1381 ընտրողից քվեարկությանը մասնակցել է 826 ընտրող։
Տեղեկացնենք նաև, որ ԿԸՀ փոխանցմամբ՝ ժամը 17:00-ի դրությամբ քվեարկության իրավունք ունեցող 37015 քաղաքացիներից քվեարկությանը մասնակցել է 18786 ընտրող՝ ընտրողների 50.75%-ը։
Հիշեցնենք, որ Վեդի խոշորացված համայնքում տեղի ունեցան ՏԻՄ արտահերթ ընտրություններ, որոնց մասնակցեց երկու քաղաքական ուժ՝ «Իմ հզոր համայնք» և «Քաղաքացիական պայմանագիր» կուսակցությունները։ ՔՊ-ի նախընտրական ցուցակը գլխավորում է Վեդի համայնքի ղեկավարի ԺՊ, Արարատի նախկին մարզպետ, ՏԿԵՆ պետական գույքի կառավարման կոմիտեի նախկին նախագահ Գարիկ Սարգսյանը։ Իսկ «Իմ հզոր համայնք» կուսակցության ցուցակի առաջին համարը Սիսավան համայնքի նախկին ղեկավար Սպարտակ Թարթիկյանն է։
