IPhone 13-ում չկան Android սմարթֆոնների հինգ օգտակար հատկություններ
Մի շարք Android սմարթֆոններ ունեն առանց հատումների էկրան և դրա տակ տեղադրված մատնահետքերի սկաներ, մինչդեռ iPhone-ների սեփականատերերը կարող են միայն երազել դրա մասին:
Apple-ը iPhone 13 սմարթֆոնների նոր շարք է ներկայացրել մի քանի այլ սարքերի հետ միասին: IPhone-ները վերջապես ստանում են 120 Հց հարմարվողական էկրաններ, տպավորիչ 1 ՏԲ պահեստավորում և տեսախցիկի կատարելագործված գործառույթներ՝ պրոֆեսիոնալ նկարահանման լրացուցիչ ռեժիմներով:
Այնուամենայնիվ, որոշ օգտակար հատկություններ դեռևս հասանելի չեն Apple-ի երկրպագուներին, հիշեցնում է CNET-ը: Թվարկենք դրանցից հինգը:
Դիզայն՝ առանց կտրվածքների
IPhone 13-ի կտրվածքն այնքան լայն չէ, որքան iPhone 12-ինը։ Մինչ Android սարքեր արտադրողներից շատերին հաջողվել է տեսախցիկի նուրբ հատվածներով էկրաններ նախագծել՝ հեռախոսի դիմային հատվածին ավելի անթերի տեսք տալով: Եվ որոշ դեպքերում, օրինակ՝ OnePlus 7 Pro-ում, որը թողարկվել է դեռևս 2019 թվականին, առջևի տեսախցիկն ընդհանրապես դուրս է գալիս պատյանից:
Չանջատվող էկրան
Երբ iPhone-ի էկրանն անջատված է, սմարթֆոնը վերածվում է դատարկ սև ուղղանկյունի: Միևնույն ժամանակ, շատ ժամանակակից Android սարքեր կարող են ցուցադրել, օրինակ, ժամը և ամսաթիվը, նույնիսկ, երբ սմարթֆոնը «քնած է»: Նման էկրանով սարքեր ունեն Samsung-ը, Google-ը և Xiaomi-ն:
Շրջելի լիցքավորում
Հարմար է, երբ սմարթֆոնից կարող եք լիցքավորել խելացի ժամացույցներ կամ անլար ականջակալներ՝ առանց դրա համար լար միացնելու: Samsung Galaxy S21-ը և ավելի հին Galaxy շարքի հեռախոսները, ինչպիսիք են S20-ը և S10-ը, ունեն նման գործառույթ: Samsung-ն այն անվանում է Wireless Power Share: Հիմնականում դա սովորական հետադարձելի լիցքավորիչ է, որը Apple-ը երբեք հասանելի չի դարձրել օգտվողներին:
Հետաքրքիր է, որ iPhone 12 սերիայի սմարթֆոնները նախկինում գտել էին հակադարձ անլար լիցքավորման տարբերակ: Բայց այս պահին այս գործառույթն աշխատում է միայն MagSafe Battery Pack ֆիրմային արտաքին մարտկոցով: Ցավոք, այն չի կարող լիցքավորել այլ սարքեր:
Մատնահետքերի սկաներ էկրանի տակ
Face ID-ն շատ դեպքերում լավ է աշխատում, բայց ոչ այն դեպքում, երբ անձը դիմակ է կրում: Եթե ունեք iPhone, բայց չունեք Apple Watch, հավանաբար կարոտում եք այն հին օրերը, երբ ձեր սարքն ապակողպելու համար պարզապես կարող եք մատը դնել Home կոճակին: Ցավոք, iPhone 13-ից հետո ամեն ինչ չի փոխվել:
Android հեռախոսների արտադրողները, ինչպիսիք են Samsung-ը և OnePlus-ը, այլ մոտեցում են ցուցաբերում: Samsung-ը մատնահետքերի սկաներ է կառուցում իր Galaxy S հեռախոսների դիսփլեյների վրա՝ 2019-ից Galaxy S10-ի մեկնարկից ի վեր: Նման սկաներ կգտնեք նաև OnePlus 9-ում և OnePlus 9 Pro-ում:
USB Type-C ունիվերսալ միակցիչ
IPhone 13-ը, ինչպես Apple-ի բոլոր սմարթֆոնները, սկսած iPhone 5-ից, հագեցած է լիցքավորման համար նախատեսված Lightning բնիկով: Միևնույն ժամանակ, iPad Air, iPad Pro, MacBook և iPad mini բոլորն աշխատում են USB Type-C պորտերով: Ստացվում է, որ բոլոր սարքերը մեկ լարով լիցքավորելը չի լինի:
USB-C-ը Android սարքերի համար լիցքավորման ստանդարտ է: Անկախ նրանից, թե հեռախոս եք գնում Samsung-ից, OnePlus-ից, Google-ից կամ Motorola-ից, այս միակցիչը կգտնեք ամենուր: Այս փաստը մեծապես հեշտացնում է տարբեր սարքերի լիցքավորումը:
Սիրարփի Աղաբաբյան
