«Տորիn»-«Ռոմա»․ հերթական կարևոր միավորները
Վերջին երկու հանդիպումներում «Տորինոն» չի պարտվել, բայց «ցուլերին» կհաջողվի՞ այսօր «Ռոմայի» հետ խաղում շարունակել իրենց հաջողությունները:
«Տորինոն» հեռու է իր լավագույն մրցաշրջանից և իր լավագույն մարզավիճակից։ Դավիդե Նիկոլայի թիմը ներկայումս աղյուսակում 17-րդն է: Այնուամենայնիվ, ընդհանուր առմամբ իրավիճակը թիմի համար մնում է լուծելի ՝ հինգ միավոր նրանց բաժանում է դուրս մնալու գոտուց, բայց «ցուլերին» դեռ պահուստային հանդիպում է սպասվում: Վերջին երկու հանդիպումներում «Տորինոն» ամուր տեսք ուներ, քանի որ «Յուվենթուսի» (2: 2) ու «Ուդինեզեի» (1: 0) հետ դիմակայությունում կարողացավ չորս միավոր վաստակել:
«Ռոման» շատ վատ է խաղում A սերիայում, հատկապես վերջերս։ Պաուլո Ֆոնսեկան ակնհայտորեն կանգնած էր թիմին Չեմպիոնների լիգա վերադարձնելու խնդրի առջև, բայց մինչ այժմ այն աղյուսակում միայն յոթերորդ տեղում է: Լավագույն քառյակ մտնելու շանսեր դեռ կան։ Հռոմեացիները յոթ միավորով են հետ մնում «Ատալանտայից», և տեսականորեն հնարավոր է հետ բերել նման տարբերությունը:
«Ռոման» կարող է Չեմպիոնների լիգա մտնել Եվրոպա լիգայում տարած հաղթանակի շնորհիվ. Անցյալ շաբաթ «գայլերը» 1: 1 հաշվով անցկացրեցին «Այաքսի» հետ ցանկալի ոչ-ոքին և դուրս եկան կիսաեզրափակիչ, որտեղ կխաղան «Մանչեսթեր Յունայթեդի» հետ:
«Տորինոն» վտանգավոր դիրքում է, և Ա Սերիան լքելու ռիսկը միանշանակ առկա է: Բայց թիմը, անկասկած, խաղով անհույս չէ։ «Ռոման» ուժասպառ է եղել «Այաքսի» հետ երկու խաղից, որտեղ մեծ ջանք է գործադրվել, ուստի «Տորինոն» այսօր հնարավորություն ունի միավորներ վաստակել, մանավանդ որ «ցուլերը» միայն մեկ անգամ են պարտվել տնային վերջին ութ խաղերում:
Սիրարփի Աղաբաբյան
