«Ադրբեջանը բաց է տարածաշրջանում համագործակցության նոր ձևաչափի համար, բայց այդ ֆոնին տեսնում ենք Հայաստանի ապակառուցողական քայլերը». Ադրբեջանի ԱԳ նախարար
Եռակողմ հայտարարության ստորագրումը նպաստել է տարածաշրջանում անվտանգության և զարգացման նոր ձևաչափի ի հայտ գալուն: Այս մասին Իսլամական համագործակցության կազմակերպության գլխավոր քարտուղար Յուսեֆ Բեն Ահմեդ ալ Ուսայմինի հետ համատեղ մամուլի ասուլիսի ժամանակ հայտարարել է Ադրբեջանի արտգործնախարար Ջեյհուն Բայրամովը, գրում է minval.az կայքը:
Նախարարի խոսքերով ՝ Ադրբեջանն անհրաժեշտ քայլեր է ձեռնարկում Արցախի` Ադրբեջանի վերահսկողության տակ անցած տարածքներ մարդկանց վերադարձն ապահովելու համար:
«Սրան զուգահեռ, հայտարարելով տարածաշրջանում համագործակցության նոր ձևաչափի ձևավորման մասին, Ադրբեջանը բաց է դրա համար: Սակայն Ադրբեջանի նման կառուցողական դիրքորոշման ֆոնին մենք տեսնում ենք Հայաստանի ապակառուցողական քայլերն ու հայտարարությունները»,-ասել է Ջեյհուն Բայրամովը:
