Եվրոպայի կարգավորիչը ստացել է AstraZeneca-ի պատվաստանյութի գրանցման հայտը
Եվրոպայի Դեղորայքային պատրաստուկների գործակալությունն ստացել է այն պատվաստանյութի ժամանակավոր գրանցման հայտը, որը մշակել են բրիտանա-շվեդական AstraZeneca ընկերությունը եւ Օքսֆորդի համալսարանը: Այդ մասին ասված է կարգավորիչի՝ հունվարի 12-ին տարածված հաղորդագրության մեջ։
«Պատվաստանյութի գնահատումը կկատարվի արագացված ընթացակարգով,- նշել են գերատեսչությունում:- Ժամանակավոր գրանցման հարցի վերաբերյալ եզրակացությունը կարող է տրվել հունվարի 29-ին՝ պայմանով, որ պատվաստանյութի որակի, անվտանգության եւ արդյունավետության մասին տվյալները բավականաչափ վստահություն են ներշնչում եւ ներկայացված են լիակատար ծավալով», հաղորդել է ՏԱՍՍ-ը:
