«Հերիք եղավ, խմեցիք բոլորիս արյունը. սա վերջին օրն ա, որ մենք սպասում ենք: Սատկացնելու ենք ձեզ ու գցենք խոզերի դեմը. դուք պիտի գերեզման չունենաք». անհետ կորածների հարազատ
Անհետ կորած զինծառայողների` Ստեփանակերտում գտնվող հարազատերից Արսեն Ղուկասյանը ֆեյսբուքյան ուղիղ եթերով մեկ օր ժամանակ է տվել իշխանություներին, մասնավորապես Նիկոլ Փաշինյանին`վերադարձնելու իրենց հարազատների մարմինները: Հակառակ դեպքում` իրենք կդիմեն կտրուկ գործողությունների:
«Վաղը չէ մյուս օրը սպասեք մեզ Երևանում Պարոնայք ղեկավարներ, այն, ինչ կատարվում է այսօր Երևանում, փառք է նրա դեմ, ինչ լինելու է, երբ մենք գանք Երևան»,- ասաց նա:
Արսեն Ղուկասյանը, ով փնտրում է եղբորն ու եղբոր որդուն, նշում է`ոնց որ պատերազմի ժամանակ խաբեցին ժողովրդին, այնպես հիմա իրենց են խաբում իշխանությունները:
«Աչքներիս սևն ու սպիտակը փախել ա, դուք սա չեք մարսելու: Դուք պիտի նույն ցավը զգաք, էն ցավը, ինչը մեզ եք պատճառում, ու դուք կզգաք էդ ցավը: Դուք չեք կարող ձեր ազգուտակին պահեք այնպես, որ մեր ձեռքերը չհասնեն: Արա, Փաշինյան, չես մարսելու. ես քեզ խոսք եմ տալիս»,- ասաց Արսեն Ղուկասյանը:
Վերջինս չի հավատում, որ իշխանությունները կբերեն իրենց հարազատների մարմինները, և համոզմունք է հայտնում, որ սա կազմակերպված է եղել ի սկզբանե:
«Հերիք եղավ, խմեցիք բոլորիս արյունը, սա վերջին օրն ա, որ մենք սպասում ենք: էդ մայրերը ձեզ կտոր-կտոր են անելու, արա, ոնց որ իրենց երեխեքն են կտոր-կտոր եղել: Սատկացնելու ենք ձեզ ու գցենք խոզերի դեմը. դուք պիտի գերեզման չունենաք»,- դիմելով Նիկոլ Փաշինյանին և փոխվարչապետ Տիգրան Ավինյանին` ասաց Արսեն Ղուկասյանը:
Մանրամասները` տեսանյութում:
