Կադիմյանն ընդգրկվել է Բելառուսի առաջնության տուրի խորհրդանշական թիմի կազմում
Հայաստանի ֆուտբոլի ազգային թիմի կիսապաշտպան Գեղամ Կադիմյանն ընդգրկվել է Բելառուսի առաջնության հերթական տուրի խորհրդանշական թիմի կազմում:
Բելառուսի ֆուտբոլի առաջնության 29-րդ տուրում «Նեման»-ը սեփական հարկի տակ հյուրընկալել էր «Սլուցկ»-ին: Հանդիպման միակ և հաղթական գոլի հեղինակը Հայաստանի ազգային թիմից Գեղամ Կադիմյանն է: Վերջինս գոլը նշելիս մոտեցել է Հայաստանի դրոշով լի տրիբունային և ծածանել եռագույնը: Սա Կադիմյանի 12-րդ գնդակն է ընթացիկ առաջնությունում:
Այս հաղթանակից հետո «Նեման»-ը մրցաշարային աղյուսակում 3-րդն է:
