Հայտնի է դարձել, թե Բայդենն ում կնշանակի ՄԱԿ-ում ԱՄՆ-ի մշտական ներկայացուցիչ. CBS News
Ջո Բայդենը, որը, ըստ ԶԼՄ-ների տվյալների, ընտրվել է ԱՄՆ-ի նախագահ, ցանկանում է ՄԱԿ-ում ԱՄՆ-ի մշտական ներկայացուցչի պաշտոնի համար առաջադրել Լինդա Թոմաս-Գրինֆիլդին: Այդ մասին հաղորդել է CBS News հեռուստաալիքը՝ վկայակոչելով աղբյուրի: Թոմաս-Գրինֆիլդն ամերիկացի դիվանագետ է, Աֆրիկայի գործերով ԱՄՆ-ի պետքարտուղարի օգնականն է եղել նախագահ Բարաք Օբամայի ժամանակ:
Axios հրատարակության տվյալների համաձայն, Բայդենին մոտ կանգնած դեմոկրատները կարծում են, որ Թոմաս-Գրինֆիլդը, լինելով սեւամոթ կին եւ հարգված դիվանագետ, կկարողանա օգնել՝ «վերականգնելու բարոյական ոգին»: Ավելի վաղ New York Times թերթը եւ «Բլումբերգ» գործակալությունը հաղորդել են այն մասին, որ Թոնի Բլինքենը, ամենայն հավանականությամբ, կդառնա ԱՄՆ-ի պետքարտուղար: Բայդենի օգնական Ռոն Քլայնը, որը պետք է դառնա Սպիտակ տան աշխատակազմի ղեկավար, ավելի վաղ հայտարարել է, որ կաբինետի առաջին անդամների նշանակումը կկատարվի նոյեմբերի 24-ին, հաղորդել է ՌԻԱ Նովոստին:
