Հեռահաղորդակցության օպերատորներից մեկի կողմից տեղեկատվության ոչ հստակ փոխանցման պատճառով «օդային տագնապի» հաղորդագրություն են ստացել նաև այլ բնակավայրերի առանձին բաժանորդներ. ԱԻՆ
Հեռահաղորդակցության օպերատորներից մեկի կողմից տեղեկատվության ոչ հստակ փոխանցման պատճառով հաղորդագրություն են ստացել նաև այլ բնակավայրերի առանձին բաժանորդները, ինչի համար հայցում ենք Ձեր ներողամտությունը, հայտնում է Արտակարգ իրավիճակների նախարարությունից:
Հիշեցնենք, որ հոկտեմբերի 16-ին՝ ժամը 22։35-ին, Սյունիքի մարզի ՀՕՊ-ի կողմից հայտարարվել է «օդային տագնապ»։
ԱԻՆ ՓԾ Սյունիքի մարզային փրկարարական վարչության ճգնաժամային կառավարման կենտրոնի կողմից գործողությանմեջ է դրվել ազդարարման համակարգը, իրականացվել է բնակչության պատսպարում։
