Քրդամետ կուսակցություն. «Թուրքիան պիտի նպաստի խաղաղությանը, այլ ոչ թե պատերազմին»
Թուրքիայում գործող ընդդիմադիր, քրդամետ «Ժողովուրդների դեմոկրատական կուսակցությունը» (ԺԴՄ-HDP) հանդես է եկել հայտարարությամբ շփման գծում հայ-ադրբեջանական ռազմական գործողությունների վերաբերյալ։
Ըստ ընդդիմադիր քաղաքական ուժի՝ վտանգ կա, որ սկսված ռազմական գործողությունները կարող են վերածվել տոտալ պատերազմի։ Ուստի հակամարտող կողմերին կոչ է արվում անհապաղ դադարեցնել կրակը։
ԺՀԿ-ն թուրքական իշխանություններին կոչ է արել ոչ թե պատերազմ բորբոքելու վարքագիծ դրսևորել, այլ նպաստել խաղաղության հաստատմանը և միջնորդական ջանքերը գործադրել բացառապես այդ ուղղությամբ։
