«Բարսելոնան» ավելի քան 20.000 ստորագրություն է ստացել Բարտոմեուին անվստահություն հայտնելու վերաբերյալ
«Բարսելոնայի» նախագահ Խոսեպ Բարտոմեուն և ակումբի տնօրենների խորհուրդը դեռ կարող են հեռացվել անվստահության քվեների միջոցով:
Կատալոնական ակումբը հաստատել է, որ նախաձեռնության կազմակերպիչ Ժորդի Ֆարեն «Բարսային» է հանձնել ակումբի այն անդամների ստորագրությունները, ովքեր աջակցել են նրա խնդրանքին։
«Բարսելոնան» հաշվել է 20.687 ստորագրություն: Այժմ պետք է համոզվել, որ ստորագրությունները համապատասխանում են ակումբի կանոնադրության չափանիշերին:
Դրա համար կստեղծվի հատուկ հանձնաժողով, որում ընդգրկված կլինեն «Բարսելոնայի» տնօրենների խորհրդի երկու անդամներ, անվստահության քվե ստանալու համար ստորագրություններ թողած առաջին երկու անձինք և Կատալոնիայի ֆուտբոլի ֆեդերացիայի ներկայացուցիչը:
Խորհուրդը կարող է անվավեր ճանաչել ցանկացած քվեաթերթիկ, որոնք լիովին չեն համապատասխանում փաստաթղթերին, և կարող են կատարել ցանկացած հարցում, որոնք անհրաժեշտ են դրանց իսկությունը ստուգելու համար:
Բոլոր պահանջները բավարարելու դեպքում անվստահության քվեն կընդունվի, և խորհուրդը պետք է քվեարկի: Եթե պահանջները չբավարարվեն, անվստահություն հայտնելու միջնորդությունը կմերժվի:
Սիրարփի Աղաբաբյան
