«Իմ ու Մեսսիի հարաբերությունները լավ կլինեն: Մբապեի հետ նույնպես սկզբում դժվարություններ կային»․ Գրիզման
Հարձակվող Անտուան Գրիզմանը խոսել է «Բարսելոնայի» իր գործընկեր Լիոնել Մեսսիի հետ հարաբերությունների մասին:
«Բոլորի համար շատ բարդ մրցաշրջան էր, բայց հիմա մենք զրոյից ենք սկսում:
Իմ և Մեսսիի հարաբերությունները նման են նրան, թե ինչպես Մբապեի հետ զարգացան իրադարձություններն ինձ համար: Սկզբում մենք դժվարություններ ունեինք, և ժամանակ էր պետք, որպեսզի փոխըմբռնում առաջանար մեր միջև: Մեսսինի հետ նույնպես կստացվի:
Ես լավ եմ զգում «Բարսայում», գիտեմ, որ մարզիչն ու ակումբը հավատում են ինձ: Ես ուզում եմ կրկին խաղալ իմ գործընկերների հետ և ամեն ինչ անել, որ գավաթներ նվաճեմ: Նախորդ մրցաշրջանն ավարտվել էր առանց տիտղոսների, իսկ «Բարսելոնայի» հետ դա վաղուց չէր պատահել»,- ասել է Գրիզմանը:
Սիրարփի Աղաբաբյան
