«Հնարավոր չէ ստորագրել խաղացողին, երբ ակումբը չի ցանկանում վաճառել նրան: Մենք փորձել ենք»․ Բարտոմեուն՝ Նեյմարի մասին
«Բարսելոնայի» նախագահ Խոսեպ Բարտոմեուն կիսվել է ՊՍԺ-ի հարձակվող Նեյմարի և «Ինտերի» հարձակվող Լաուտարո Մարտինեսի տրանսֆերային բանակցությունների մանրամասներով։
Նեյմարի մասին
«Հնարավոր չէ ստորագրել խաղացողին, երբ ակումբը չի ցանկանում վաճառել նրան: Մենք փորձեցինք անցած ամառ: Համաճարակի հետ կապված իրավիճակի պատճառով ՊՍԺ-ն չի ցանկանում նրան վաճառել: Մեծ ակումբները ցանկանում են հիանալի խաղացողների»:
Լաուտարոյի մասին
«Մենք խոսեցինք «Ինտերի» հետ մրցաշրջանի վերսկսումից առաջ, բայց մենք դադարեցինք բանակցությունները մի քանի շաբաթ առաջ` մրցաշրջանի վերսկսման պատճառով: «Ինտերը» դեռ խաղում է Եվրոպայի լիգայում:
Տեսնենք, թե որոնք են Կումանի ծրագրերն ապագայի համար»,- ասել է Բարտոմեուն:
Սիրարփի Աղաբաբյան
