«Հանվելու է անձնական ավտոմեքենաներում դիմակ կրելու պարտադիր պահանջը». Տիգրան Ավինյան
«Հանվելու է անձնական ավտոմեքենաներում դիմակ կրելու պարտադիր պահանջը, սակայն, պահպանվելու է հանրային տրանսպորտում և տաքսիներում դիմակների կրման կանոնը»,-ԱԺ արտահերթ նիստի ժամանակ ասաց ՀՀ պարետ Տիգրան Ավինյանը:
Նրա խոսքով՝ վերանայվելու է բացօթյա որոշ հանրային տարածքներում դիմակ կրելու կանոնը. «Օրինակ՝ բնության գրկում, անտառում և այլ նմանատիպ վայրերում: Շուտով նաև այս որոշումը նույնպես կհրապարակվի: Վերանայվելու է հանրային սննդի ոլորտում յուրաքանչյուր սեղանի մոտ թույլատրվող անձնանց քանակը»:
