Սահմանում զոհված 20-ամյա Սմբատին Ճամբարակում զինվորական կարգով հրաժեշտ տվեցին
Գեղարքունիքի մարզի Ճամբարակ համայնքում այսօր՝ հուլիսի 17-ին, զինվորական կարգով տեղի ունեցավ հայ-ադրբեջանական պետական սահմանագոտու հյուսիսային հատվածում հուլիսի 14-ին հակառակորդի արձակած կրակից մահացու վիրավորում ստացած ժամկետային զինծառայող, 20-ամյա Սմբատ Գաբրիելյանի հուղարկավորության արարողությունը:
Սմբատը տան կրտսեր երեխան էր, 6 ամսից պետք է զորացրվեր:
Հուղարկավորությանը մասնակցել են Ճամբարակ համայնքի ղեկավար Վազգեն Ադամյանը, Գեղարքունիքի մարզպետ Գնել Սանոսյանը և ԱԺ «Իմ քայլը» խմբակցության պատգամավոր Հայկ Սարգսյանը։
