Տրվել են երաշխիքներ, դրանք չպահպանելու դեպքում կհավաքվենք ամբողջ մարզով, կլինեն վատ հետևանքներ. Քաջարանի համայնքապետ
Քաջարանի համայնքապետ Մանվել Փարամազյանը րոպեներ առաջ դուրս եկավ Ոստիկանության Կապանի բաժանմունքից և ցուցարարներին հավաստիացրեց՝ ոստիկանությունից, Հատուկ քննչական ծառայության քննիչներից ստացել է երաշխիք առ այն, որ հարուցված քրեական գործի քննությունը տարվելու է արդար:
«Ինձ հավաստիացրեցին, որ մենք անգամ միասին կարող ենք գնալ և նախաքննական գործընթացներին մասնակցել և ինքներդ կհամոզվեք, որ ոչ մի բռնություն որևէ մեկի նկատմամբ չի լինելու, իսկ այն անձինք, որոնք սկզբից կիրառել էին բռնություն, ենթարկվելու են պատասխանատվության»,- ասաց Փարամազյանը՝ շեշտելով, որ ՀՀ Քրեական վարչության պետը տվել է երաշխիք և չի կարծում, որ վերջինս կարող է իր խոսքի տերը չլինել:
«Երաշխքները չպահպանելու դեպքում շատ վատ հետևանքներ կլինեին: Կհավաքվի ոչ թե 1000 հոգի այլ ամբողջ մարզը»,- ասաց Փարամազյանը:
Համայնքապետի խոսքից հետո ցուցարանները եկան համաձայնության, որ ձերբակալված տղաներին Երևան ճանապարհլուց հետո կբացեն ճանապարհը ու կդադարեցնեն բողոքի ակցիան:
