Ծեծկռտուք՝ Ազգային ժողովում. Սասուն Միքայելյանն ապտակեց Էդմոն Մարուքյանին
Ազգային ժողովի մայիսի 8-ի նիստը մեկնարկելուց կարճ ժամանակ անց ընդհատվեց։ Պատճառը խորհրդարանում սկսված ծեծկռտուքն էր «Լուսավոր Հայաստան» խմբակցության ղեկավար Էդմոն Մարուքյանի և «Իմ քայլը» խմբակցության պատգամավոր Սասուն Միքայելյանի միջև։ Ամբիոնին մոտեցած պատգամավոր Միքայելյանն ապտակեց պատգամավոր Մարուքյանին:
Ծեծկռտուքին միջամտեցին խորհրդարանի պատգամավորները և Կառավարության անդամներից փոխվարչապետ Տիգրան Ավինյանը:
Ծեծկռտուքի կադրերից երևում է, թե ինչպես են «Իմ քայլը» խմբակցության պատգամավորներ Արտակ Մանուկյանն ու Վահե Ղալումյանը թիկունքից հարվածում Էդմոն Մարուքյանին:
