611 միլիոն դրամ՝ նախազորակոչիկների և զորակոչիկների համար պատվաստանյութեր և օժանդակ պարագաներ ձեռք բերելու համար
Նախազորակոչիկների և զորակոչիկների համար ՄԱԿ-ի մանկական հիմնադրամից պատվաստանյութեր և պատվաստումներ, ինչպես նաև օժանդակ պարագաներ ձեռք բերելու նպատակով ՀՀ Կառավարությունն Առողջապահության նախարարությանը հատկացրեց 611,672.2 հազ. ՀՀ դրամ, որից 18,350.2 հազ. ՀՀ դրամը կազմում է ձեռք բերվող պատվաստանյութերի և պատվաստումների համար օժանդակ պարագաների դիմաց վճարվելիք մաքսատուրքը:
Նախագծով առաջարկվում է ձեռք բերել նաև նախատեսված ծավալի մի մասը, այսինքն՝ այն մասը, որով հիմնադրամից ներկայացվել է գնային առաջարկ:
Մնացած պատվաստանյութերը և օժանդակ պարագաները նախատեսվում է ձեռք բերել մրցակցային կարգով:
Ըստ նախագծի, սակայն, պատվաստանյութերի ձեռքբերումը մրցակցային կարգով իրականացնելը նպատակահարմար չէ, քանի որ նման պարագայում չի բացառվում, որ ՀՀ-ում որակյալ և անվտանգ պատվաստանյութերի անընդմեջ մատակարարման ընդհատումը հանգեցնի հանրային առողջության վատթարացման բոլոր հնարավոր հետևանքներին:
Բացի այդ, ինչպես նշված է կառավարության օրակարգում ընդգրկված հարցում, խելամիտ չէ իմունականխարգելման նպատակով երկարաժամկետ պայմանագրերի կնքումը` կապված պատվաստանյութերի յուրահատկությունների հետ:
