Պետք է ամեն ինչ անենք, որ դիտորդական խմբի հետ Կորոնավիրուսն Արցախ մուտք չգործի. Փաշինյան
Մարտի 31-ին Արցախում կայանալու են նախագահական և խորհրդարանական ընտրություններ, որոնց Հայաստանից մասնակցելու են դիտորդական խմբեր:
Այսօր Կառավարության նիստի ընթացքում վարչապետ Նիկոլ Փաշինյանը կոչ արեց փոխվարչապետ Տիգրան Ավինյանին հատուկ ուշադրություն դարձնել դիտորդական խմբերին, որպեսզի նրանց հետո հանկարծ Կորոնավիրուսն Արցախ մուտք չգործի:
«Պարո՛ն Ավինյան, եկեք հասկանանք՝ արդյոք դիտորդները ռիսկային գոտիներից են, եթե այդիպիսն են, ապա նրանց փոխարինենք այլ դիտորդներով և Արցախ մեկնելուց առաջ անպայման նրանք պետք է թեսթավորվեն: Փառք Աստծո, մինչև այս պահը Արցախում ոչ մի Կորոնավիրուսի դեպք չի հայտնաբերվել, չնայած տասնյակ մարդիկ թեսթավորվել են: Պետք է ամեն ինչ անենք, որ հատկապես դիտորդական խմբի հետ Կորոնավիրուսն Արցախ մուտք չգործի»,-ասաց Փաշինյանը:
