Իտալիայում երկրպագուները վրաերթի են ենթարկել հակառակորդ թիմի երկրպագուին, վերջինս մահացել է, 25 մարդ՝ ձերբակալվել
Իտալիայում բախման արդյունքում մահացել է «Վիլտուր Ռիոներոյի» երկրպագու Ֆաբիո Տուչիարիելոն: Այս մասին հաղորդում է Football Italia-ն:
Դեպքը տեղի է ունեցել հունվարի 19-ի երեկոյան, Պոտենզա քաղաքի մոտակայքում: 39-ամյա տղամարդուն վրաերթի են ենթարկել մեքենայով, որում եղել են «Մելֆի» ակումբի երկրպագուները, որը «Վիլտուր Ռիոներոյի» գլխավոր մրցակիցն է: Եվս երեք երկրպագու ստացել են տարբեր ծանրության վնասվածքներ, նրանցից մեկը ծանր վիճակում է:
Միջադեպի արդյունքում ձերբակալվել է մեքենայի 30-ամյա վարորդը, ինչպես նաև՝ ևս 24 հոգի, ովքեր իբր «Վիլտուր Ռիոներոյի» երկրպագուներ են և մասնակցել են միջադեպին:
Պատրաստեց Անի Գաբուզյանը
