ԿԳՄՍ սպորտի գծով փոխնախարարն ԱԱԾ-ո՞ւմ է
168.am–ի տեղեկություններով՝ ՀՀ կրթության, գիտության, մշակույթի և սպորտի նախարարի տեղակալ Գևորգ Լոռեցյանին ու վերջինիս վարորդին հրավիրել են Ազգային անվտանգության ծառայություն (ԱԱԾ):
Մեր աղբյուրը նշում է, որ խնդիրն ամենայն հավանականությամբ վերաբերում է մարզական գույքի «ատկատի» հարցին:
Հիշեցնենք, որ Նիկոլ Փաշինյանի 2018 թվականի հոկտեմբերի 30-ի 1446-Ա որոշմամբ Գևորգ Լոռեցյանը նշանակվել է ՀՀ սպորտի եւ երիտասարդության հարցերի նախարարի տեղակալ:
Նշենք, որ մինչ այդ Լոռեցյանն զբաղեցնում էր ՀՀ տնտեսական զարգացման եւ ներդրումների նախարարության Պետական գույքի կառավարման վարչության կոմիտեի նախագահի տեղակալի պաշտոնը:
Լոռեցյանն այս պաշտոնը զբաղեցնում էր 2018 թվականի հուլիսի 2-ից:
Նախարարությունների միավորումից հետո Գևորգ Լոռեցյանը ս/թ հունիսի 5-ին նշանակվեց ԿԳՄՍ սպորտի գծով փոխնախարար:
