Էդուարդ Մարտիրոսյանը և ԱԱԾ աշխատակիցները ցավակցել են Գոհար Վարդանյանի մահվան կապակցությամբ
Հայաստանի Հանրապետության Ազգային անվտանգության ծառայության տնօրենի պաշտոնակատար Էդուարդ Մարտիրոսյանը և ԱԱԾ աշխատակիցները ցավակցական խոսք են հղել մեծանուն հետախույզ Գոհար Վարդանյանի մահվան կապակցությամբ:
«Ցավով տեղեկացանք հայազգի մեծանուն հետախույզ Գոհար Վարդանյանի մահվան մասին։ Գոհար և Գևորգ Վարդանյանների լեգենդար, հերոսական զույգի հետախուզական սխրանքների մասին գրվել են գրքեր, նկարահանվել են կինոնկարներ։ Նրանց կատարած ծավալուն աշխատանքի մի կարևոր հատված նույնիսկ շատ տասնամյակներ անց, դեռ գաղտնազերծված չեն։
Գոհար Վարդանյանն այն բազում հայորդիների շարքում է, ովքեր փառքով են պսակել իրենց և իրենց ժողովրդի անունը՝ հայրենիքի նկատմամբ ունեցած անմնացորդ նվիրումով և անթերի պրոֆեսիոնալիզմով»։
