Ֆրանսիայի ՆԳ նախարարը ոստիկանների վրա հարձակումից հետո չեղարկել է այցը Թուրքիա. AFP
Ֆրանսիայի ներքին գործերի նախարար Քրիստոֆ Կաստաները հոկտեմբերի 3-ին չեղարկել է այցը Թուրքիա: Այդ մասին հայտնել է Agence France-Presse-ը:
Նրա տեղեկությունների համաձայն, նախարարն արդեն ժամանել է Սիտե կղզում ոստիկանության կենտրոնական պրեֆեկտուրայի շենք, որտեղ հոկտեմբերի 3-ին դանակով զինված անհայտ անձը հարձակում է գործել ոստիկանների վրա: Հինգ ոստիկան ծանր վերքեր են ստացել: Հարձակվողն ինքը, վերջին տվյալների համաձայն, պրեֆեկտուրայի վարչական աշխատողէր: Նա գնդակահարվել է ոստիկաններից մեկի կողմից:
BFMTV հեռուստաալիքի տեղեկությունների համաձայն, հարձակումը տեղի է ունեցել փարիզյան պրեֆեկտուրայի հետախուզության վարչության հարկաբաժնում: Շենքի այդ մասը հատկապես խիստ է վերահսկվում: Մինչդեռ հարձակվողը կարողացել է իր հետ այնտեղ տանել կերամիկական դանակ, հաղորդել է ՏԱՍՍ գործակալությունը:
