«Նա հաջողության է հասել միայն Ռոնալդուի շնորհիվ». «Ռեալի» երկրպագուները պահանջում են Զիդանի հրաժարականը
Մադրիդի «Ռեալի» երկրպագուները սկսել են պահանջել գլխավոր մարզիչ Զինեդին Զիդանի հրաժարականը:
Սեպտեմբերի 18-ին՝ Չեմպիոնների լիգայի առաջին տուրի խաղում մադրիդյան ակումբը խոշոր՝ 0:3 հաշվով պարտվեց ՊՍԺ-ին:
«Զիդանն իսկական խաբեբա է: «Ռեալում» իր առաջին շրջանում նա հաջողության հասավ միայն մեծագույններից մեծագույնի՝ Կրիշտիանու Ռոնալդուի շնորհիվ»,- երկրպագուներից մեկի խոսքն է մեջբերում The Sun-ը:
«Առանց Ռոնալդուի՝ Զիդանը վերջացավ՝ որպես մարզիչ: Ինչպե՞ս կարելի է 500 մլն ծախսել նորեկների վրա և այդքան վատ խաղալ: Սա ելք չէ»,- ավելացրել է երկրորդ երկրպագուն:
«Առանց Նեյմարի, Մբապեի և Կավանիի՝ ՊՍԺ-ն պատռեց «Ռեալին»: Զիդանի 99%-ը Ռոնալդուի շնորհիվ էր: Ճաղատ Արսեն Վենգեր»,- նշել է երրորդը:
Պատրաստեց Անի Գաբուզյանը
