«Դեմբելեն փոքրիկ տղա է, ով նետվել է 150 միլիոն տրանսֆերային գումարով հսկայական լողավազանը». Բոատենգ
«Բարսելոնայի» նախկին կիսապաշտպան Կևին-Պրինս Բոատենգը, ով հանդես է գալիս «Ֆիորենտինայի» կազմում, խոսել է կատալոնացիների կիսապաշտպան Ուսման Դեմբելեի մասին:
«Նա շատ հանգիստ է, բայց շատ է խոսում: Կարծում եմ, որ նա դեռ երեխա է: Պետք է ընդունեք նրան այնպես, ինչպես նա կա: Երբեմն, միգուցե, նա մի փոքր ուշանում է:
Կան տղաներ, որոնք երբեմն գալիս են ավելի ուշ, բայց սա մեկ այլ պատմություն է: Նա նման է մի փոքրիկ տղայի: Մի տղա, ով արժանի է մեծ աշխատավարձի, ով, որքան հնարավոր է՝ հանրային է: Ուղղակի պետք է ճիշտ ուղղությամբ աշխատել:
Եթե նա չսովորի, դա կլինի իր սխալը: Անձամբ ինձ համար Դեմբելեն փոքրիկ տղա է, ով նետվել է 150 միլիոն տրանսֆերային գումարով հսկայական լողավազանը , բայց նա դեռ չի հասկանում, թե ինչպես է դա գործում, քանի որ նա պարզապես ցանկանում է ֆուտբոլ խաղալ»,- ասել է Բոատենգը:
Սիրարփի Աղաբաբյան
