Արտահանձնման մասին օրինագիծը վերջնականապես հետ կկանչվի հոկտեմբերին. Հոնկոնգի ղեկավար
Արտահանձնման մասին օրինագիծը, որն ամռան սկզբից զանգվածային բողոքներ առաջացրեց Հոնկոնգում, պաշտոնապես հետ կկանչվի հոկտեմբերին, երբ իր աշխատանքը վերսկսի Օրենսդիր խորհուրդը: Սեպտեմբերի 5-ին կայացած մամուլի ասուլիսում այդ մասին հայտարարել է տեղի վարչակազմի ղեկավար Քերի Լամը։
Նա ճշտել է, որ օրինագծի հետկանչման համար «չի պահանջվի, որ այդ հարցը խորհրդարանում քվեարկության կամ քննարկումների դրվի»:
Սեպտեմբերի 4-ի իր տեսաուղերձում գործադիր իշխանության ղեկավարը հայտարարել էր, որ Հոնկոնգի կառավարությունը պաշտոնապես հետ կկանչի արտահանձնման մասին օրինագիծը, որպեսզի փարատի հասարակայնության մտահոգությունները, հաղորդել է ՏԱՍՍ-ը:
