ԿԺԴՀ-ի քաղաքական համակարգի պահանումը կարևոր է պատժամիջոցների վերացումից. Կիմ Չեն Ուն
ԿԺԴՀ-ի առաջնորդ Կիմ Չեն Ունը հունիսի երկրորդ կեսին ՉԺՀ-ի նախագահ Սի Ցզինպինի հետ կայացած հանդիպման ընթացքում հայտարարել է, որ Փհենյանի համար առաջնահերթ նշանակություն ունի պետական կարգի պահպանումն, այլ ոչ թե գործող տնտեսական պատժամիջոցների վերացումը: Այդ մասին հաղորդել է ճապոնական Yomiuri թերթը՝ վկայակոչելով դիվանագիտական աղբյուրներ:
«Մենք կառչած չենք պատժամիջոցների վերացման (գաղափարից): Այժմ ամենակարեւորը մեր քաղաքական համակարգի անվտանգության երաշխինքն է»,- մեջերում է հրատարակությունը ԿԺԴՀ-ի առաջնորդի խոսքը: Բացի դրանից, Կիմ Չեն Ունն այդ հանդիպմանը հանդես է եկել Վաշինգտոնի հետ միջուկազերծման շուրջը բանակցային գործընթացի նորմալացման օգտին եւ նշել, որ Փհենյանին հարկավոր չի լինի միջուկային զենք ունենալ, եթե ԱՄՆ-ը դադարեցնի թշնամական քաղաքականությունը եւ ընդունի ԿԺԴՀ-ի պետական կարգի պահպանման կարեւորությունը, հաղորդել է ՏԱՍՍ-ը:
