«Միհրան Պողոսյանին Մոսկվայում ապաստան տալու մասին դեսպանատունը պաշտոնական տեղեկություն չի ստացել». ՌԴ դեսպան
ՌԴ դեսպանատունը չի ստացել պաշտոնական տեղեկություն այն մասին, որ ԱԺ նախկին պատգամավոր Միհրան Պողոսյանին ՌԴ-ում ժամանակավոր ապաստան է տրամադրվել։ Այս մասին լրագրողի հարցին ի պատասխան՝ նշեց ՀՀ-ում ՌԴ դեսպան Սերգեյ Կոպիրկինը։
«Այդ հարցը մեկնաբանելու համար լրատվամիջոցների մեկնաբանությունների վրա պիտի հիմնվեմ, բայց կարծում եմ՝ դուք դա չեք ակնկալում»,- հավելեց նա։
Ավելի վաղ լրատվամիջոցները գրել էին, որ ԴԱՀԿ նախկին պետ Միհրան Պողոսյանին Ռուսաստանի Դաշնությունը մի քանի ամսով ժամանակավոր կացության իրավունք է տվել։
Զարուհի Դիլանյան
