«Եթե խաղանք Մեսսիի նման, հնարավորություն կունենանք «Բարսային» հանդիպել եզրափակչում». Պոչետինո
«Տոտենհեմի» գլխավոր մարզիչ Մաուրիսիո Պոչետինոն խոսել է իր թիմի՝ Չեմպիոնների լիգայի եզրափակիչ դուրս գալու հնարավորության մասին:
Կիսաեզրափակչի առաջին խաղում Պոչետինոյի թիմը պարտվեց «Այաքսին» (0:1):
«Կարծում եմ, որ «Տոտենհեմը» կխաղա «Բարսելոնայի» հետ եզրափակչում: Եթե մենք խաղանք Մեսսիի նման, ապա մենք անպայման հնարավորություն կունենանք «Բարսային» հանդիպել եզրափակչում:
Եթե մենք կատալոնական թիմի նման խաղանք առանց գնդակի, բայց մեծ ցանկությամբ, ապա մենք կունենանք հնարավորություն: Եթե ոչ, ապա մենք դուրս կմնանք մրցաշարից»,- ասել է Պոչետինոն:
Սիրարփի Աղաբաբյան
