«Հանգիստ նստել են տեղները». Միհրան Պողոսյանի դեմ գործ հարուցելու հարցում օգնել են նախկին թիմակիցները. «Իրատես»
«Իրատես» թերթը գրում է. «Դատական ակտերի հարկադիր կատարողական ծառայության նախկին պետ Միհրան Պողոսյանի դեմ, որն օրերս է ձերբակալվել Ռուսաստանում, քրեական գործ հարուցելու հարցում, պարզվում է, «դերակատարում են» ունեցել նաեւ նրա նախկին գործընկերներն ու քաղաքական թիմի անդամները:
«Իրատեսի» զրուցակիցն ասաց, որ նախկին որոշ պաշտոնյաներ, որ, ինչ-որ առումով, կարող էին դեպքերի զարգացմանն այլ ընթացք տալ, «հանգիստ նստել են տեղները». «Պողոսյանին կարող էին գլխի գցել, հուշել, թե ինչ կարող է լինել ու ինչպես թիրախ չդառնալ նորերի համար:
Բայց ինչ-ինչ հանգամանքներից ելնելով՝ չեն արել: Նրա պաշտոնավարման ընթացքում ոմանք գուցե խնդիրներ են ունեցել ու սպասել հարմար պահի «վրեժխնդիր» լինելու համար: Ի դեպ, ոչ միայն իրենց նախկին թիմակցին մի շարք նրբությունների մասին չեն ասել, այլեւ նորեկների աչքերն են բացել ու կրակի վրա յուղ լցրել»:
Ամբողջությամբ կարող եք կարդալ թերթի այսօրվա համարում:
