Հռոմի պապը շնորհավորել է Արևելյան եկեղեցիների քրիստոնյաների Զատիկը
Հռոմի Ֆրանցիսկոս պապը շնորհավորել է այն հավատացյալներին, որոնք ապրիլի 28-ին նշում են քրիստոնեական գլխավոր տոնը՝ Զատիկը կամ Քրիստոսի Հրաշափառ Հարությունը, տեղեկացնում է «ՌԻԱ Նովոստի»-ն։
«Արևելյան եկեղեցիների մեր եղբայրներին ու քույրերին, որոնք հուլյան տոմարով նշում են Զատկի տոնը կամ Քրիստոսի Հրաշափառ Հարությունը, ուղղում եմ իմ սրտագին շնորհավորանքները։ Հարություն առած Տերը թող նրանց լցնի լույսով և խաղաղությամբ»,- հայտարարել է Հռոմի պապը՝ Վատիկանի Սուրբ Պետրոսի հրապարակում պատարագի ավարտից հետո շնորհավորելով «բոլոր արևելյան կաթոլիկների և ուղղափառների» Զատիկը։
