Շրի Լանկայում ձերբակալվածների թիվը հասել է 29-ի
Շրի Լանկայի իշխանություններն ապրիլի 22-ին ահաբեկչական գործողություններով պայմանավորված գործի շրջանակում ձերբակալել են ևս 5 անձի: Ձերբակալվածների թիվը դարձել է 29: ՏԱՍՍ գործակալությունը տեղեկացնում է, որ ավելի վաղ տեղական իշխանությունները հայտնում էին 24 ձերբակալվածի մասին:
Նոր ձերբակալությունների մասին տեղեկությունը եղավ այն ժամանակ, երբ Կոլոմբոյում զինվորականները վնասազերծել են պայթուցիկ սարք, որը տեղակայված էր բեռնատար ավտոմեքենայի մեջ ՝ կայանված Սուրբ Անտոնիա եկեղեցու հարևանությամբ:
