Գրոսմայստեր Տիգրան Հարությունյանը՝ ԼՈՒԿ Օփենի հաղթող
Հայ գրոսմայստեր Տիգրան Հարությունյանը հաջող է հանդես եկել Ֆրանսիայի միջազգային մրցաշարում:
Ֆրանսիայում տեղի ունեցավ ԼՈՒԿ օփեն միջազգային մրցաշարը, որին մասնակցեցին 126 շախմատիստ: Մասնակիցների թվում էր Հայաստանը ներկայացնող գրոսմայստեր Տիգրան Հարությունյանը, որի համար այս մրցաշարը առաջինն էր գրոսմայստերի տիտղոսը ստանալուց հետո: Հարությունյանը 9 հնարավորից վաստակեց 7.5 միավոր և դարձավ մրցաշարի միանձնյա հաղթող:
