««Տոտենհեմ» սկսում է պատմության նոր գլուխ». Պոչետինո
«Տոտենհեմի» գլխավոր մարզիչ Մաուրիսիո Պոչետինոն խոսել է թիմի վերջին խաղերի և «Տոտենհեմ Հոթսփուր Ստեդիումի» մասին:
«Հատուկ պահ, հատուկ երեկո: Կարծում եմ և հավատում եմ, որ սա լավագույն մարզադաշտն է աշխարհում:
Մենք գիտեինք, որ խաղը դժվարին կլիներ: Մենք չգիտեինք, թե ինչ պետք է ակնկալենք, ինչպես արձագանքենք, բայց մենք պետք է միավորներ հավաքեինք՝ հաշվի առնելով, թե ինչպես էինք խաղում առաջին կեսում:
Ես երջանիկ եմ թիմի նախագահ Դանիել Լևիի համար, իր ֆանտաստիկ նախագծի համար: Ես այս հաղթանակը նվիրում եմ նրան: Զգացմունքները սկզբից անհավանական էին: Հաղթանակը շատ կարևոր է նաև մեզ համար:
Այսօր մենք հպարտանում ենք: Այժմ մենք պետք է շոշափենք փառքը` մրցանակների տեսքով: Սա նոր սկիզբ է: «Տոտենհեմը» սկսում է պատմության նոր գլուխ: Մենք ավարտեցինք նախորդը և մեկնարկեցինք նորը` մեր երկրպագուների համար վաստակված հաղթանակով»,- ասել է Պոչետինոն:
Սիրարփի Աղաբաբյան
