Լյովը կարող է ամռանը գլխավորել «Ռեալը»
Ինչպես տեղեկացնում է Don Balon-ը, Գերմանիայի ազգային հավաքականի գլխավոր մարզիչ Յոահիմ Լյովն ամռանը կարող է գլխավորել Մադրիդի «Ռեալը»: Ըստ աղբյուրի տվյալների՝ շաբաթվա ընթացքում «Բարսելոնայից» կրած երկրորդ անընդմեջ պարտությունից հետո «Սերուցքայինների» նախագահ Ֆլորենտինո Պերեսը կորցրել է վստահությունը թիմի ներկայիս մարզիչ Սանտյագո Սոլարիի նկատմամբ:
Հատկանշական է, որ Լյովը գտնվում էր «Սանտյագո Բերնաբեու» մարզադաշտի տրիբունաներում վերջին Էլ Կլասիկոյի ժամանակ, ինչն ավելի է բորբոքում շշուկները նրա հնարավոր նշանակման մասին:
Սոլարին կրկնեց «կապտանռնագույնների» հետ խաղերում բացասական վիճակագրությունը՝ սկսած 1987 թվականից:
Պատրաստեց Անի Գաբուզյանը
