Դոնալդ Թրամփը և Կիմ Չեն Ունն ավարտեցին բանակցություններն ընդլայնված կազմով
ԱՄՆ-ի նախագահ Դոնալդ Թրամփը եւ ԿԺԴՀ-ի առաջնորդ Կիմ Չեն Ունը փետրվարի 28-ին Հանոյում ավարտել են բանակցություններն ընդլայնված կազմով, տեղեկացնում է ՏԱՍՍ-ը:
Գագաթնաժողովի հիմնական բանակցային մասը տեւել է ավելի քան երկու ժամ, երկու պետությունների ղեկավարները ներկայում մասնակցում են աշխատանքային ճաշկերույթին, որն ընթանում է La Club Bar ռեստորանի սրահում:
Երկու երկրների ղեկավարներից բացի, աշխատանքային ճաշկերույթին յուրաքանչյուր կողմից մասնակցում է հինգական մարդ:
Ինչպես արդեն տեղեկացվել է, փետրվարի 28-ին Հանոյի Sofitel Legend Metropole հնագույն հյուրանոցում սկսվել է ԿԺԴՀ-ԱՄՆ գագաթնաժողովի երկրորդ օրը:
