Վենեսուելայում իշխանափոխությունը շահավետ կլինի Ռուսաստանին և Չինաստանին. Գուայդո
Վենեսուելայում իշխանափոխությունը շահավետ կլինի երկրի երկու խոշորագույն արտասահմանյան վարկատուներին՝ Ռուսաստանին եւ Չինաստանին: Այս կարծիքը Reuters գործակալությանը տված հարցազրույցում հայտնել է Բոլիվարյան Հանրապետության ընդդիմության առաջնորդ Խուան Գուայդոն։
«Ռուսաստանին եւ Չինաստանին ամենից ավելի է ձեռնտու երկրի կայունությունը եւ կառավարության փոխարինումը»,- ասել է քաղաքական գործիչը: Նա հավելել Է, որ ուղերձներ է հղել Ռուսաստանին եւ Չինաստանին եւ նշել, որ Վենեսուելան իշխանափոխության դեպքում «պատասխանատու» վերաբերմունք կդրսեւորի իր պարտային պարտավորությունների նկատմամբ:
Հունվարի 23- Վենեսուելայի ընդդիմադիր Ազգային ասամբլեայի (միապալատ խորհրդարանի) խոսնակ Խուան Գուայդոն իրեն հայտարարել է երկրի նախագահի պաշտոնակատար: Քաղաքական գործչին արդեն Վենեսուելայի ժամանակավոր ղեկավար են ճանաչել ԱՄՆ-ը, Կանադան, Արգենտինան, Ավստրալիան, Իսրայելը, Վրաստանը, Բրազիլիան, Չիլին, Կոլումբիան, Պարագվայը, Պերուն, Եվրամիության մի քանի երկրներ, այլ պետություններ, ինչպես նաեւ Ամերիկյան պետությունների կազմակերպությունը:
Նախագահ Նիկոլաս Մադուրոն դա որակել է Վաշինգտոնի կազմակերպած պետական հեղաշրջում եւ հայտարարել ԱՄՆ-ի հետ դիվանագիտական հարաբերությունները խզելու մասին: Հաջակցություն Մադուրոյի հանդես են եկել Ռուսաստանը, Բելառուսը, Բոլիվիան, Իրանը, Կուբան, Նիկարագուան, Սալվադորը եւ Թուրքիան:
Մեքսիկան եւ Ուրուգվայը դեմ են արտահայտվել արտաքին միջամտությանը եւ միջնորդություն են առաջարկել հանրապետության ընդդիմության եւ կառավարության միջեւ բանակցությունների կազմակերպման հարցում, հաղորդել է ՏԱՍՍ գործակալությունը:
