«Մենք շրջապատված ենք ավտորիտար Թուրքիայով, ավտորիտար բնույթի Իրանով, ավտորիտար Ադրբեջանով…». «Իմ քայլը» դաշինքի պատգամավոր
ԱԺ «Իմ քայլը» դաշինքի պատգամավոր Հայկ Կոնջորյանը այսօր ԱԺ-ում իր ելույթում՝ անդարդառնալով արտաքին քաղաքականությանը, ասաց, թե ԱԺ արտաքին հարաբերությունների հանձնաժողովը կարող է հանրությանը մի շարք հարցերի շուրջ հանրությանը իրազեկել ու յուրահատուկ կարծիքների գեներացման կենտրոն դառնալ:
Նրա խոսքով՝ ՀՀ-ում տեղի ունեցած վճռական փոփոխությունները պետք է արտացոլվեն նաև արտաքին քաղաքականության մեջ:
«Կա մի ցավալի փաստ, որ մի շարք միջազգային կառույցներ Եվրոպայում և Արևմուտքում Ադրբեջանին ու Հայաստանին հաճախ նույնացնում են»,- ասաց նա:
Նաև հայտարարեց. «Եթե դիտարկենք մեր աշխարհաքաղաքական դիրքավորումը, դա ևս կարող է շատ լավ աշխատել: Մենք շրջապատված ենք ավտորիտար Թուրքիայով, ավտորիտար բնոյւթի Իրանով, ավտորիտար Ադրբեջանով, և մեր անմիջալան հարևան Վրաստանն է միայն, որ ժողովրդավարական ճանապարհով է գնում: Եվ այս շուրջ 160 միլիոնանոց ավտորիտար երկրներով շրջապատված Հայաստանը, եթե ժողովրդավարության առաջանցիկ զարգացումը դարձնում է իր հաղթաթուղթը, կարողանում է նաև միջազգային հանրության կողմից ընկալվել որպես տարածաշրջանի առաջատար ժողովրդավարական երկիր, որը ևս անպայման ունենալու է իր դրսևորումները դիվանագիտության մեջ»:
