Գոդինը մերժել է «Մանչեսթեր Յունայթեդի» հերթական առաջարկը
![](https://168.am/wp-content/uploads/2019/01/076e30265b6c571372e98f845b4f428a.png)
Ուրուգվայցի պաշտպանը չի ուզում տեղափոխվել անգլիական ակումբ: Ինչպես հաղորդում է Tutto Mercato-ն, «Ատլետիկոյի» պաշտպան Դիեգո Գոդինը մերժել է «Մանչեսթեր Յունայթեդ» տեղափոխվելու առաջարկը:
Անգլիական ակումբը մի քանի փորձ է ձեռնարկել ստորագրելու ուրուգվայցի կենտրոնական պաշտպանին, սակայն կողմերի միջև բոլոր բանակցություններն ավարտվել են անհաջողությամբ:
Այս շաբաթ «Մանչեսթեր Յունայթեդն» առաջարկել է Գոդինին 2 տարվա պայմանագիր՝ տարեկան 8.6 մլն աշխատավարձով, սակայն ֆուտբոլիստին այդ պայմանները ձեռնտու չեն եղել:
Ավելի վաղ հայտարարվել էր, որ Գոդինը համաձայնեցրել է պայմանագիրն «Ինտերի» հետ և պետք է միանա ներաձուրիներին հաջորդ ամռանը:
Ուրուգվայցու գործող պայմանագիրն «Ատլետիկոյի» հետ ավարտվում է այս տարվա հունիսին:
Պատրաստեց Անի Գաբուզյանը