Հունվարի 1-3-ը ՃՈ հատուկ պահպանվող տարածքներ տեղափոխվել է 96 տրանսպորտային միջոց
Հունվարի 1-ի ժամը 00.01-ից մինչև հունվարի 3-ի ժ․11.00-ն Ճանապարհային ոստիկանության հատուկ պահպանվող տարածքներ տեղափոխվել է 96 տրանսպորտային միջոց (26-ը Երևան, 70-ը մարզեր), որից 84-ը ոչ սթափ վիճակում վարելու համար (22-ը Երևան, 62-ը մարզեր):
Այս մասին «Ֆեյսբուք»-ի իր էջում գրառում է կատարել ՀՀ ոստիկանության լրատվության և հասարակայնության հետ կապերի վարչության պետ Աշոտ Ահարոնյանը:
«Հարգելի վարորդներ, խստագույնս պահպանեք երթևեկության կանոնները, մի վտանգեք ձեր և երթևեկության մյուս մասնակիցների կյանքն ու առողջությունը»,- գրել է Ահարոնյանը:
