Մահացել է ռեժիսոր և դերասանուհի Փենի Մարշալը. TMZ
ԱՄՆ-ում 76 տարեկան հասակում մահացել է ռեժիսոր եւ դերասանուհի Փենի Մարշալը: Դեկտեմբերի 18-ին այս մասին հայտնել է TMZ պորտալը։ Պորտալի տվյալներով՝ նա մահացել է դեկտեմբերի 17-ի գիշերը՝ Լոս Անջելեսի՝ իր տանը:
Մահվան պատճառ է դարձել շաքարային դիաբետի հետ կապված բարդացումը:
Մարշալը հռչակ է ձեռք բերել որպես գլխավոր դերակատար «Լավեռնան եւ Շիռլին» (Laverne & Shirley, 1976-1983) սերիալում: Ավելի ուշ նա հաջողությունների է հասել որպես ռեժիսոր: Մասնավորապես, նա աշխատել է այնպիսի կինոնկարների վրա, ինչպիսիք են «Մեծը»(Big, 1988) եւ «Զարթոնք» (Awakenings, 1990):
Մարշալը նաեւ եղել է «Նոկդաուն»(Cinderella Man, 2005) ֆիլմի եւ այլ կինոժապավենների պրոդյուսերը: Փենի Մարշալը հայտնի ռեժիսոր Գերի Մարշալի քույրն է, հաղորդել է ՏԱՍՍ-ը:
