ԱՄՀ-ի տնօրենների խորհուրդը հավանություն տվեց Ուկրաինային 3,9 մլրդ դոլարի վարկին
Արժույթի միջազգային հիմնադրամի տնօրենների խորհուրդը (ԱՄՀ) դեկտեմբերի 18-ին հաստատել է 14 ամիս ժամկետով 3,9 միլիարդ դոլարի չափով Ուկրաինայի համապարփակ տնտեսական ծրագրի աջակցության stand-by վարկային մեխանիզմի համաձայնագիրը: Այդ մասին ասված է ղեկավար մարմնի նիստի արդյունքների վերաբերյալ՝ ԱՄՀ-ի տարածած հայտարարության մեջ:
1,4 միլիարդ դոլարի չափով առաջին վարկաբաժինն Ուկրաինային կհատկացվի անհապաղ: Մնացած մասը կտրամադրվի երկրի տնտեսության զարգացման արդյունքների՝ յուրաքանչյուր կես տարին մեկ անցկացվող ամփոփման արդյունքներով, հաղորդել է ՏԱՍՍ-ը:
