«Պոգբայի քննադատները պետք է փակեն բերանները և իրենց գործն անեն». Իբրահիմովիչ
«Լոս Անջելես Գալաքսի» հարձակվող Զլատան Իբրահիմովիչը աջակցել է «Մանչեսթեր Յունայթեդի» կիսապաշտպան Պոլ Պոգբային:
«Պոգբային քննադատելը մի փոքր ծիծաղելի է: Բոլորը մեղադրում են Պոգբային:
Ինչ-որ մեկը անցել է փողոցը կարմիր լույսի ժամանակ, դա Պոգբայի մեղքն է, ծակվել է անվադողը, մեղավորը Պոգբան է, ինչ-որ բան այնպես չէ, մեղավորը Պոգբան է: Կարծում եմ, որ բոլոր այդ մարդիկ պարզապես ուշադրության կարիք ունեն:
Նրանք պետք է թուլանան: Նրանք պետք է իրենք իրենց նայեն: Սա հատկապես վերաբերում է նախկին ֆուտբոլիստներին: Նրանք պետք է իրենք իրենց հարցնեն՝ ի՞նչ են նրանք ավելի լավ արել: Երբ ես խաղում էի նրանց դեմ, նրանք ավելի լավը չէին:
Ներեցեք իմ խոսքերի համար, բայց Պոգբայի քննադատները պետք է փակեն բերանները և իրենց գործն անեն: Նրանց վճարվում են խոսակցությունների և ուշադրության համար, բայց պետք է խոսել փաստերով»,- նշել է Իբրահիմովիչը:
Սիրարփի Աղաբաբյան
