«Արսենալի» տնօրենը հաստատել է Սուպերլիգայի մասին խոսակցությունները
«Արսենալի» տնօրեն Ռաուլ Սանլեյը չի ժխտել Սուպերլիգայի ստեղծման վերաբերյալ եվրոպական ակումբների բանակցությունների մասին տեղեկությունները:
«Մենք պետք է համոզվենք, որ «Արսենալը» միշտ էլ գտնվում է այն ամենի կենտրոնում, ինչը կարող է տեղի ունենալ ապագայում:
Սուպերլիգայի ստեղծումը կարճաժամկետ, կամ՝ միջին ժամկետում տեղի չի ունենա, քանի որ մենք հիմա համաձայնություն ունենք ՈՒԵՖԱ-ի հետ, բայց ես չգիտեմ, թե ինչ է մեզ սպասում ապագայում:
Մենք պետք է գոնե տեղյակ լինենք ամենից և որոշենք՝ շարժվե՞լ այս ուղղությամբ, թե՞ ոչ:
Քանի որ այդ մասին գրել էր Football Leaks-ը, կարող է թվալ, որ մենք անում ենք թաքուն բաներ, բայց այստեղ թաքուն բան չկա»,- նշել է Սանլեյը:
Սիրարփի Աղաբաբյան
