Մենք ձեր կողմից ընտրված թեկնածուին չենք ճանաչելու, որովհետև հակաեզդիական նշանակում կլինի. Մի խումբ եզդիների հայտարարությունը

Մի խումբ եզդիների հայտարարությունը 

Հայաստանի Հանրապետությունում եզդի ժողովրդի նկատմամբ ազգային հալածանքի քաղաքականություն է տարվում ինչպես նախկին, այնպես էլ ներկայիս իշխանությունների կողմից:

Այժմ խոսենք փաստերով. թավշյա հեղափոխությունից հետո տեղի ունեցավ իշխանափոխություն, հազարավոր մարդիկ տարբեր բնագավառներում պաշտոններ ստացան: ՀՀ-ում հայերից հետո թվաքանակով երկրորդ ազգը եզդիներն են, բայց որևէ եզդի որևէ տեղում պաշտոն չստացավ: Մենք ունենք բարձրագույն կրթություն ունեցող երիտասարդներ, որոնք Հայաստանը թողնում, արտագաղթում են: Հայաստանի եզդի համայնքը ունի իր ղեկավարությունը՝ Եզդիների ազգային միությունը, որի նախագահն է Ազիզ Թամոյանը: Իշխանավորները նրա հետ որևէ անգամ հանդիպում կամ ընդունելություն չեն կազմակերպել:

Ա. Թամոյանի կողմից 1988 թ.-ից սկսած ԵՊՀ-ում պրոֆեսոր Գառնիկ Ասատրյանի աջակցությամբ ստեղծվել է Ջանգիր աղայի անվան ռազմական ջոկատ, Ա. Թամոյանի ղեկավարությամբ 500 եզդի կամավորականներ իրենց մասնակ-ցություւնը բերեցին ինչպես Արցախում, այնպես էլ Երասխի ճակատամարտերում: Եզդիները ունեցել են 40-ից ավելի զոհեր, որոնցից մեկը Քյարամ Սլոյանն էր, որին թշնամիները գլխատեցին: Ա. Թամոյանի ղեկավարությամբ Սպիտակի երկրաշարժի ժամանակ կազմվեց եզդիական ջոկատ: Տասնյակ մարդկանց փրկեցին փլատակների տակից: Սակայն իշխանավորների կողմից այս ամենը չի գնահատվում:

Ինչպես նախկին, այնպես էլ ներկայիս իշխանությունների կողմից Հայաստանում տանում են ազգահալած քաղաքականություն: Օրինակ, Հայաստանում կա մեկ քուրդ ընտանիք: Այդ ինչպե՞ս է ստացվում, որ Արագածոտնի 5 գյուղերում երեխաները սովորում են քրդերեն լեզու, պատմություն, կրոն, իսկ եզդի երեխաների ծննդյան վկայականներում գրված է «եզդի»: Նույն մարզի Ռյա Թազա գյուղում կա Քրդական Բանվորական կուսակցություն գրասենյակ, քուրդ աշխատողներ: Նրանք Թուրքիայի բնակիչներ են: Միշտ շրջագայում են եզդիական համայնքներում և ասում, որ եզդին քուրդ է : Այդ մասին Եզդիների ազգային միությունը՝ Ա. Թամոյանի գլխավորությամբ հարյուրից ավելի նամակներ է հղել ՀՀ ղեկավարությանը: Լռում են, հարցը չի կարգավորվում, լուծում չի ստանում: Միաժամանակ պետք է ասել, քրդական բանվորական կուսակցությունը միջազգայնորեն ճանաչվում է որպես տեռորիստական կազմակերպություն:

Հետաքրքիր է, որ ինչպես նախկին, այնպես է ներկայիս իշխանավորները արհամարհում են, խտրականություն են դրսևորում եզդի համայնքի նկատմամբ: Օրինակ, նախկին և այս ընտրություններում արհամարհում են մեր համայնքին: Հայաստանում կա մեկ քուրդ, նրան էլ դարձրել են ազգային ժողովի պատգամավոր, իսկ եզդիների համայնքին անտեսել են: Նախկինում էլ Հանրապետական կուսակցության կողմից բերեցին քրդամետ մեկին, այսինքն, եզդի չի ընտրվել: Իշխանությունները հաշվի չեն նստում Եզդիների ազգային միության ղեկավարության հետ: Դարձյալ կբերեն այնպիսի մարդու, որ անընդունելի է եզդի համայնքի համար: Ազգային փոքրամասնությունները Հայաստանում կազմում են երկու տոկոս: Աշխարհում չկա ուրիշ այդպիսի երկիր: Այժմ ուշ չի, թողեք, Եզդիներն ընտրեն իրենց թեկնածունին: Սա ևս պատճառ կդառնա արտագաղթի շարունակման համար:

Մեկ ամսից ավելի առաջ Եզդիների ազգային միության նախագահության արտահերթ նախագահության նիստով ներկայացվել էին համայնքի ներկայացուցիչներ Խդր Սուրենի Հաջոյանի և հոգևոր առաջնորդ Բրո Հասանյանի (լուսանկարը՝ «Հայ ձայնի») թեկնածությունները։ Մեկ ամիս անց՝ նոյեմբերի 7-ին, Քաղաքացիական պայմանագիր կուսակցության գրասենյակում, որը գտնվում է Երևանի Զաքյան փողոցի վրա, ասել են, որ ներկայացնենք նաև ներկայացված անձանց վերաբերյալ անձնական փաստաթղթերը։ Այս ամսվա նոյեմբերի 9-ին վերոհիշյալ գրասենյակում ասել են, որ ցուցակները արդեն լրացրել են և արդեն ուշ է։

Պահանջում ենք, որ ՀՀ վարչապետ Նիկոլ Փաշինյանն անձամբ պահանջի ցուցակները և պարզի իրականությունը։ Մեր միությունը թեկնածուների անունները ներկայացրել է բոլորից առաջ, բայց հիմա էլ ասում են, թե ուշ է։ Մենք համոզվում ենք, որ վարչապետ Նիկոլ Փաշինյանը չգիտի, թե ինչ է կատարվում իր կուսակցությունում։ Պահանջում ենք չեղյալ համարել չորս մարդկանց ցուցակը, որ ասում են` գրել են։

Ի՞նչ են անում եզդիները Հայաստանում. զբաղվում են անասնապահությամբ և հողագործությամբ: Մեկ կգ կաթը եզդիները վաճառում են 130 դրամով: Հուսով ենք, իշխանավորները թույլ կտան, որ մենք ինքներս Ազգային ժողովի պատգամավոր ընտրել, իսկ եթե ոչ մենք ձեր կողմից ընտրված թեկնածուին չենք ճանաչելու, որովհետև հակաեզդիական նշանակում կլինի:

Հայաստանում վերջին տարիներին հին գյուղերի անվանումները վերացվել են, այդ թվում Կոտայքի մարզի Ամո գյուղը վերածվեց Զովունի գյուղի: Եզդիների անունից փողոցից մեկին պետք է բերեն և ասեն՝ սա մեր մարդն է: Իհարկե, ոչ ոք իրավունք չունի նման հայտարարություններ անելու, դա մեր նախագահության որոշելիք հարցն է, ոչ թե ձեր: Չի կարելի սեպ խրել մեր դարավոր բարեկամության մեջ: Մեր բարեկամությունը մնում է կայուն, հաստատ, մեր երկու ազգերի պատմության էջերում սև էջ չի գրանցվել:

Հուսով ենք, որ իշխանավորները ճիշտ կվարվեն, ճշմարտությանը վնաս չեն պատճառի:

Դիմողներ՝

Բրո Հասանյան (հոգևոր առաջնորդ)
Խուդոյան Մակո
Սլոյան Քյարամ
Սլոյան Խդր
Աջամյան Չոլո
Աջամյան Վալոդ
Ասոյան Գոգո
Ասե Ալիյան
Սուրիկ Ավդալյան